Kryeministri Edi Rama e ka përjashtuar si mundësi marrjen e vaksinave nga Rusia dhe Kina, për aq kohë sa BE ka zgjedhur t’i refuzojë ato.
“Sa i përket vaksinës ruse dhe kineze asnjë paragjykim të natyrës shkencore, respekt për shkencëtarët që i kanë dhënë jetë këtyre 2 vaksina, por zgjidhja jonë është që do të kërkojmë vaksina në krahun perëndimor dhe jo lindor.
Është një zgjedhje e bërë prej nesh sepse e përsëris se këtu janë shumë komponentë bashkë. Nëse BE do të hapet ndaj këtyre vaksinave edhe ne do të shikojmë këtë qasje, për sa kohë BE është e mbyllur përballë këtyre vaksinave, do të qëndrojmë edhe ne”, - tha Rama. ©LAPSI.al
