Kryetari i Partisë Demokratike Lulzim Basha e ka konsideruar të papranueshme zgjatjen e kontratës për koncesionarin e aeroportit të Rinasit nga 22 në 35 vjet. Basha thotë se vendimi i qeverisë në ikje do të zhbëhet kur demokratët të vijnë në pushtet.
“Çdo akt koncesioni, PPP apo zgjatje koncesioni i propozuar nga qeveria ne ikje, është në shkelje flagrante të ligjeve të vendit. Zotohem para çdo shqiptari se unë dhe qeveria ime nuk do të njohim asnjë akt të tillë dhe do ta zhbëjmë atë.Aeroporti Ndërkombëtar "Nënë Tereza" do tu kthehet shqiptarëve dhe shtetit të tyre sipas përcaktimeve fillestare të kontratës koncesionare. Shqipëria do tu kthehet shqiptarëve! #ShqipëriaFiton” – shkruan Basha të Twitter.
Aeroporti i Rinasit kaloi nga një komani kineze në dorë të "Kastrati Group" i cili bleu aksionet për 71 milionë euro. Pas këtij vendimi qeveria ka vendosur ta negociojë kontratën duke e zgjatur afatin me pretendimin se do të investojë 99 milionë euro si dhe do të ulë tarifat për pasagjerët. /LAPSI.al
