Pedagogu i Fakultetit të Shkencave të Natyrës në Universitetin e Elbasanit, Jakov Oga ka tentuar ti japë fund jetës, duke u hedhur nga ballkoni i shtëpisë. Së fundmi, Oga është infektuar me Covid-19.
Ngjarja e rëndë ka ndodhur pas mesnatës, rreth orës 01:30, ku 65-vjeçari Oga është hedhur nga kati i shtatë i pallatit. Mësohet se 65-vjeçari ka qenë në kushte të rënduara psikologjike. Për fat të mirë, pedagogu ka shpëtuar dhe ndodhet jashtë rrezikut për jetën, kjo për faktin se kur është hedhur ka rënë në mbi çatinë e një ndertese që ndodhej afër pallatit.
