Në përpjekje për të treguar se nuk bën dallime mes punonjësve të bashkisë, Erion Velija ka bërë pikërisht atë që nuk duhet, duke i ndarë në myslimanë dhe në të krishterë vartësit e tij. Pasi kanë pastruar mbetjet e silikonit në pjesën e jashtme të minares së xhamisë së Ethem Beut, dy punonjësve i është kërkuar një foto e cila është publikuar në profilin e kryetarit me këtë mesazh: Faleminderit myslymanit Sami dhe të krishterit Sokrat që pastruan njollë e silikonit të histerisë nga xhamia e Et'hem Beut! ??❤️
Por lipset ndihma e çdo shqiptari të ndershëm që të heqë njollën e Saliut, Likes, Lulit e Monës nga trupi i Shqipërisë në 25 Prill! #PurpleWave ?
Gabimi rëndon dyfish për dikë që vetëquhet “rilindas”, ata që aq shumë punuan për bashkimin kombëtar pa dallim feje. Për me tepër populli i Tiranës, me shumicë myslimane, ka treguar se nuk bën dallime fetare, kur ka votuar një kryetar bashkie që është frekuentues i rregullt i kishës protestante.
