Rritja e rasteve me variantin e ri të COVID-19, ka vënë në alarm autoritet britanike, të cilat po konsiderojnë si masë mbylljen e plotë të kufijve.
Ky fakt është bërë i ditur nga ministri i Mjedisit, George Eustice, i cili nuk mohoi raportet se qeveria po konsideronte të jepte 500 paund për njerëzit që rezultojnë pozitivë, në mënyrë të tillë që ata të motivohen që të izolohen.
“Për momentin ekziston shqetësimi për numrin e shtimeve të mutacionit.”, tha sot ministri për Sky News. Kujtojmë se ditën e martë ajo regjistroi rritjen më të lartë ditore në vdekjet e lidhura me koronavirus. Ndërkohë që ky shtet ka arritur rreth 4 milionë persona të vaksinuar, shifra më e lartë në kontinent.
