Pas caktimit të datës së zgjedhjeve nga ana e Ushtrueses së Detyrës së Presidentes, Vjosa Osmanit, televizioni Klan Kosova e ka porositur një sondazh për të parë se cila parti mund të fitojë më shumë vota në zgjedhjet e parakohshme që pritet të mbahen më 14 shkurt të këtij viti.
Rezultatet e këtij sondazhi janë prezantuar nga hulumtuesi Fisnik Halimi në emisionin Rubikon. Sipas sondazhit në fjalë, Lëvizja Vetëvendosje pritet të marrë më shumë vota në këto zgjedhje ndërsa bie në sy një rënie e madhe e LDK-së duke u renditur forcë e tretë pas PDK-së. Mbi 3% pritet të marrë edhe lëvizja e Vjosa Osmanit.
REZULTATET
Lëvizja Vetëvendosje – 41.10%
Partia Demokratike e Kosovës – 20.80%
Lidhja Demokratike e Kosovës – 15.70%
Aleanca për Ardhmërinë e Kosovës – 8.60%
Vjosa Osmani – 3.20%
