Rituali i përvitshëm i “Ujit të bekuar” nga besimtarët ortodoksë nuk shkoi siç pritej në qytetin e Amarynthos në Greqi. Një 24-vjeçar është plagosur rëndë pasi u hodh në ujë për të kapur kryqin dhe goditi kokën në një shkëmb. Mediat greke kanë publikuar momentin kur i riu është hedhur në ujë dhe vetëm pak më pas është nxjerrë nga disa persona të tjerë. Nga ekzaminimet paraprake, mësohet se i riu është futur në koma pasi ka humbur funksionin tek gjymtyrët. Ai do të dërgohet në një spital në Athinë për t’iu nënshtruar një ndërhyrjeje kirurgjikale.
