Një ngjarje e rëndë raportohet nga Elbasani. Një qytetar është duke qëlluar me armë në mënyrë të pakontrolluar. Deri më tani mësohet se nuk ka persona të lënduar. Nga të dhënat e para bëhet fjalë për një 45-vjeçar që ka kundërshtuar kontrollin e banesës dhe më pas ka qëlluar me armë policinë dhe tani po qëllon në mënyrë të pa kontrolluar. Incidenti në fjalë është regjistruar në fshatin Zavalinë. Mesohet se policia kishte shkuar në banesën e këtij shtetasi me një vendim gjykate për kontroll, pasi kishte pretendime se kryefamiljari mbante armë pa leje. Pasi ka parë se pranë banesës janë afruar efektivë të policisë, 45-vjeçari ka qëlluar me armë. Fill pas këtij veprimi ai është larguar nga banesa dhe është fshehur në pyll. Aktualisht drejt vendit të ngjarjes janë nisur Forcat e Ndërhyrjes së Shpejtë dhe RENEA.
