E arrestuar nga policia për vrasjen dhe copëtimin e kufomave të çiftit Pasho, Elona Kaleshi kishte bërë çmos për të fshehur krimin për 5 vite me radhë.
Mediat italiane shkruajnë se ajo nuk kishte treguar saktësisht se ku kishte qëndruar çifti Pasho me qira, vend të cilën e dinte vetëm ajo, pasi djali i tyre ndodhej në burg dhe vajzat larg. Ajo dha dëshmi kontradiktore edhe për kontaktin e fundit që kishte me çiftin.
Edhe ankesat e vajzës së çiftit, Viktoria janë se pesë vjet më parë, marrëdhënia me prindërit u prish prej saj. Mediat italiane shkruajnë se ajo mbante vajzën e çiftit “peng” për shkak se kishte dijeni për marrëdhënien e saj me një burrë të martuar.
Shpëtim dhe Teuta Pasho mund të jenë vrarë natën në gjumë, kjo e bazuar në faktin se mbanin veshur rroba nate. Burri u qëllua me një thikë 7-8 cm, duke e vrarë menjëherë.
