Nga hedhja e sendeve të forta dhe shashkave në protestën e djeshme kanë mbetur lënduar 16 policë.
Ditën e djeshme u raportua për 9 policë të plagosur, nga të cilët 3 ishin rëndë, madje njëri rrezikonte të humbte njërin sy dhe do i nënshtrohej dy operacioneve pasi kishte marrë çarje me mjet prerës.
Për vrasjen e të riut Klodian Rashës nga një efektiv policie në Laprakë, qindra të rinj u solidarizuan dhe protestuan në disa vende, fillimisht tek Ministria e Brendshme, më pas tek Kryeministria duke vijuar më pas në qendër tek sheshi ”Skënderbej” dhe Bashkia e Tiranës për ta mbyllur në Drejtorinë e Policisë. Të lënduar nuk mbetën vetëm policë, por edhe një gazetar e disa protestuesë.
