Kryebashkiaku i Tiranës, Erion Veliaj është përfolur shpesh edhe si pasues i Edi Ramës për kreun e Partisë Socialiste. Ambicia e tij komentohet gjerësisht në korridoret e selisë rozë sa herë që bëhet fjalë për përplasje mes grupeve të influencës në partinë më të madhe të së majtës.
Pak ditë më parë, kryetarja e LSI-së, Monika Kryemadhi e shprehu hapur se Veliaj po lufton të marrë vendin e Ramës pas humbjes në zgjedhjet e 25 prillit. Por vetë Veliaj nuk ka ende guximin ta pohojë publikisht këtë ambicie. Në një intervistë që dha këtë të mërkurë për ABC, Veliaj tha se ishte i kënaqur vetëm me detyrën që kishte.
“Jo, nuk është fare ambicia ime. Besoj që më del e më tepron një punë e jashtëzakonshme për qytetin e zemrës sime, që është Tirana” – tha Veliaj. Në këtë mënyrë kryebashkiaku ka shmangur edhe ndonjë angari të radhës nga shefi i tij, për të lyret muret e shkallëve të pallateve apo për të siguruar ndonjë lopën për një tjetër fshatar. Shprehja e Ramës se “Veliaj duhej varur te pemët që mbjell” duket se e ka dhënë efektin. ©LAPSI.al
LEXO EDHE:
