Gigi Hadid është kthyer tashmë në një ikonë mode dhe këtë e dimë të gjithë. Edhe pas shtatzënisë ajo na la të kuptojmë se është lindur për të qenë modele, teksa pozoi në Instagram e veshur sportive para pasqyrës duke u shfaqur në super formë.
Së fundmi super modelja ka ndarë disa foto nga seti i saj për Alexander Wang, që shënon edhe rikthimin e saj në botën e modelingut pas lindjes së vajzës.25-vjeçarja postoi disa foto në llogarinë e saj në Instagram të mërkurën, duke na lënë të gjithëve me gojë hapur.Në setin e parë ajo u shfaq me një kostum elegant të zi, teksa mbante një çantë të vogël të bardhë, varse prej ari dhe këpucë me printe zebre.
Në setin e dytë ajo u shfaq me një look të mprehtë, e veshur me një pelerinë blu të tejdukshme, xhinse klasike dhe bluzën e bardhë të thjeshtë. Këtë herë flokët i kishte të çrregulltë, teksa kishte veshur sandale me pendë.Në setin e tretë ajo u shfaq e veshur me një xhaketë lëkure të mbyllur, pantallona me vija dhe të njëjtat këpucë me printe zebre. Ky rikthim ishte me të vërtetë “WOW” e i këtij mendimi duket të jetë edhe Dua Lipa, kunata e saj, që i ka lënë një koment.
“Wow, bukuri!”– ka shkruar këngëtarja me origjinë shqiptare duke marrë vëmendjen e të gjithëve, duke treguar edhe një herë mbështetjen ndaj kunatës dhe shoqes së saj.
Gigi mirëpriti fëmijën e saj të parë me Zayn Malik në shtator, teksa çifti i famshëm ende nuk e ka zbuluar emrin e saj, megjithëse fansat e kanë quajtur vajzën e tyre ‘Zigi’.
Çifi duket se ka vendosur po ashtu për ta mbajtur vajzën e tyre larg vëmendjes për javët e para të jetës së saj, dhe kanë ndarë deri tani foto duke e fshehur portretin e saj.
