Në komunikimin e përjavshëm me gazetarët, Presidenti Ilir Meta është paraqitur për herë të parë me maskë.
Kjo është hera e parë që Ilir Meta vendos maskë në publik. Në komunikimet e mëparshmë për mediat, aktivitetet publike, apo edhe ecjet famoze të mëngjesit tek Liqeni i Tiranës, Meta ka qenë pa maskë.
Bashkëshortja e tij, kryetarja e LSI-së, Monika Kryemadhi është shprehur haptazi kundër maskës. Në një intervistë ajo e ka cilësuar pandeminë një lojë të madhe për ndryshim elitash. Ajo madje është gjobitur dy herë nga policia, pasi kishte dalë në publik pa maskë.
Pak minuta më parë Ilir Meta ishte në një takim me kreun e OBSH-së për Europën Dr. Hans Kluge. OBSH ka kërkuar që prej fillimit të pandemisë që maska të përdorët për të shmangur përhapjen e virusit Covid-19. Ndoshta ka qenë takimi me Hans Kluge që ka influencuar këtë sjellje të Presidentit. ©LAPSI.AL
