Pas ngjarjes së rëndë që ndodhi sot tek spitali Infektiv, ku një pacient me koronavirus u hodh nga kati i 3 i godinës, vjen një reagim nga Qendra Spitalore Universitare “Nënë Tereza”.
"Qendra Spitalore Universitare “Nënë Tereza” sqaron opinionin publik se stafi mjekësor në Spitalin Infektiv po bën përpjekjet maksimale për të shpëtuar jetën e pacientit, pas ngjarjes së rëndë të ndodhur në spitalin Infektiv, ku një pacient tentoi të kryente aktin tragjik.
Pacienti me inicialet R.G., 69 vjeç aktualisht është nën kujdesin e mjekëve të këtij spitali "- thuhet në reagimin e QSUT-së.
