Replikat në distancë mes kryetarit të Partisë Demokratike Lulzim Basha dhe kryeministrit Edi Rama kanë vazhduar edhe këtë të hënë. Kreu i PD-së, Basha në një status në Facebook i është përgjigjur kreut të qeverisë duke i thënë se gjendja në Shqipëri është shumë e rëndë. Pyetja e ngritur prej kohësh ndaj kryeministrit u shtrua sërish nga kryedemokrati që shkruan: Edhe sa shqiptarë duhet të humbin jetën për fajin e tij?
“Rama vazhdon cicërimat në vend që të bëjë detyrën. Shqipëria është në kulmin e infektimit ndërsa Rama është mbërthyer pas Instagramit. Po të shkulej nga Instagrami, do ta shihte sa e rëndë është gjendja. Të sëmurët, familjet dhe mjekët i ka braktisur pa asnjë ndihmë...” shkruhet në postimin e Bashës.
