Në dy fshatra të vegjël të SHBA-së janë hapur edhe kutitë e para të votimit, ku kandidati Joe Biden ka fituar në njërin prej tyre, ndërsa Trump në një fshat tjetër.
Mediat raportojnë se Biden siguroi 5 votat e të gjithë personave që mund të votonin nga 26 banorët e fshatit Dixville Notch në New Hampshire, ku votat numërohen të parat prej 60 vitesh tashmë.
20 kilometra më larg, në fshatin Millsfield, votuan gjithsej 21 persona dhe rezultati ishte 16-5 në favor të presidentit aktual.
Ligjet zgjedhore lejojnë bashkitë me më pak se 100 banorë që t’i hapin pikat e votimit që pas mesnate, ndërsa në të gjithë vendin votimet fillojnë në orën 6 ose 7 të mëngjesit.
