Kryetari i Partisë Demokratike, Lulzim Basha ka takuar disa studentë në “Qytetin Studenti” në ditën e parë të fillimit të vitit të ri akademik, dhe ka thënë se masat duhet të ishin lajmëruar më herët.
"Vala e dytë e infeksionit është një valë që sdo e ndalte askush por unë kam 5 javë që i bëj thirrje qeverisë të marrë masa. Kujtohen 3 ditë para, ndërkohë studentët kanë bërë shpenzime për të qëndruar në Tiranë. Studentët kanë paguar qiratë e shtëpive, kanë lënë punën në qytetet e tyre për të ardhur në shkollë. Qeveria t'u shpërndajë tablete familjeve për të lehtësuar procesin mësimor online” tha kryedemokrati.
