Dy vëllezër kanë rënë në pranga në Kukës, si autorë të dyshuar për vjedhje me thyerje të kasafortës së një lokali në qytetin e Kukësit. Arrestimi i tyre u bë pasi dyshohet se gjatë natës kanë vjedhur një lokal në qytetin e Kukësit, ku kanë thyer kasafortën dhe kanë marrë një sasi të konsiderueshme parash.
Gjatë kontrollit të ushtruar nga Policia, në banesën e tyre u gjetën dhe u sekuestruan në cilësinë e provës materiale 23 doza me lëndë narkotike cannabis sativa. Materialet iu referuan Prokurorisë së Rrethit Gjyqësor Kukës, për veprat penale “Vjedhja” e kryer në bashkëpunim dhe “Prodhimi dhe shitja e narkotikëve”.
