Kryeministri Edi Rama ka reaguar edhe njëherë ndaj naftëtareve, të cilëve u kërkon me ngulm të braktisin grevën për t'i ndihmuar, edhe pse sipas tij qeveria nuk ka asnjë detyrim për shkak se kompania që drejton rafinerinë është private.
“Edhe njëherë: Nuk ju kam ftuar në asnjë negociatë, sepse nuk kemi asgjë për të negociuar pasi qeveria as nuk e ka shkaktuar hallin tuaj, as nuk trashëgon mbi vete problemin e krijuar nga kompania private! Rafineria nuk është e shtetit. Ju lutem na jepni mundësinë t’ju ndihmojmë!
Ideja se punonjësit e një kompanie private mund të bëjnë grevë kundër qeverisë për detyrimet e sipërmarrësit privat është e gabuar. Ju nuk e doni daljen në asistencë dhe e mirëkuptojmë, por ju’a përsëris, pa mbyllur grevën nuk ju’a qajmë dot hallin konkretisht përtej asistencës!”, shkruan Rama.
