Mediat italiane raportojnë një ngjarje të rëndë në në qytetin e Monselice, në provincën e Padova. Një shofer kamioni 45-vjeçar është gjetur i vdekur brenda kabinës së automjetit të tij të parkuar në një zonë shërbimi.
Ngjarja ka ndodhur rreth orës 11:30 të ditës së sotme. Zjarrfikësit, oficerët e policisë dhe një ambulancë shkuan në vendin e ngjarjes pasi shoferi nuk iu përgjigj thirrjeve në derën e kabinës. 45-vjeçari me kombësi shqiptare ndodhej prapa sediljes së shoferit.
Dera e kabinës ishte mbyllur nga brenda dhe zjarrfikësve u desh ta thyejnë atë për të hyrë brenda. Shqiptari dyshohet të ketë vdekur prej ditësh nga shkaqe natyrore. Një prokuror i ngarkuar me hetimin vendosi t’ia dorëzonte trupin një të afërmi duke parë që në trupin e tij nuk kishte shenja dhune. ©LAPSI.al
