Numri i të infektuarve me koronavirus, që nga fillimi i pandemisë e deri më tani ka shkuar në 40 milionë në të gjithë botën. Në bazë të të dhënave në Worldometer, nga totali i të prekurve 1,1 milionë persona nuk e kanë fituar betejën për jetën, ndërsa 29,9 milionë persona janë shëruar nga virusi.
Vendi më i prekur nga pandemia mbetet SHBA-ja, duke numëruar afro 8,3 milionë të infektuar dhe 224,283 fatalitete. Vendin e dytë e zë India me rreth 7,5 milionë të infektuar dhe 114,064 viktima. I treti në radhë është Brazili me 5,2 milionë të prekur dhe 153,690 raste fatale. Rastet ditore po vijojnë të rriten ndjeshëm në Evropë ndërsa kontinenti i vjetër përballet me valën e dytë të koronavirusit dhe një pjesë e mirë e vendeve kanë vendosur rregulla të reja anti-Covid.
