Mjeku i presidentit të Shteteve të Bashkuara të Amerikës u shpreh se Donald Trump është në humor të mirë dhe se nuk ka pasur ethe në 24 orët e fundit. Sean Conley tha se nuk ka qënë e nevojshme as t’i jepej oksigjen shtesë.
“Ai e ka përfunduar dozën e tij të parë dhe po pushon i qetë. Ai u dërgua në spital sepse … është presidenti i Shteteve të Bashkuara“, tha Conley. Conley nuk dha një datë për nxjerrjen e presidentit nga spitali, pasi është herët dhe “vështirë të thuhet”. Mjeku i presidentit u shpreh optimist se presidenti nuk do të ketë nevojë të oksigjenohet në të ardhmen. Ai gjithashtu tha që rrahjet e zemrës së presidentit dhe presioni i gjakut janë brenda kufijve normalë.
Të premten vonë në mbrëmje Presidenti Donald Trump u shtrua në spital për shkak të infektimit nga virusi i rrezikshëm.
