Premisat që presidenti i Shteteve të Bashkuara të Amerikës, Donald Trump ta kalojë me lehtësi prekjen nga virusi janë të ulëta. Gjinia, mosha dhe pesha e të parit të Amerikës, janë faktorët që e bëjnë atë më vulnerabël ndaj përkeqësimit të shëndetit të tij nga COVID-19.
Ekspertët e shëndetit kanë parashikuar një rrezik prej 4% të vdekjes së presidentit. Megjithatë ata thonë se kjo mundësi është e vështirë të vlerësohet saktësisht, pasi janë dhe rrethana të tjera si gjendja e përgjithshme e trupit, nivelet e aktivitetit fizik apo dhe zbulimet e fundit mjekësore ato mund të bëjnë gjithë diferencën. Informacioni i siguruar nga një mjek i Shtëpisë së Bardhë në qershor e vendos presidentin 74-vjeçar në kategorinë e personave mbipeshë, gjë që trefishon rrezikun e tij për të pasur nevojë për trajtim spitalor, sipas të dhënave nga Qendrat Amerikane për Kontrollin dhe Parandalimin e Sëmundjeve.
