Ish-deputeti i Partisë Demokratike Xhemal Gjunkshi publikoi një video ku rikthehej në vëmendje vendimi i qeverisë në 29 mars për të kthyer në karantinë kavaleshencën e Durrësit e cila nuk po përdoret më.
“Në 29 Mars, pas presionit të madh publik dhe të opozitës, qeveria vendosi të kthejë Konvaleshencën e Durrësit në karantinë. Por qeveria ndryshe vendos dhe ndryshe vepron. Për të karantinuar bashkëqytetarët e kthyer nga jashtë, Edi Rama paguan deputetin e vet milioner Sadri Abazi për hotelet e tij, në vend që të përdorë Konvaleshencën në Durrës.
Qeveria duhet t’u thotë qytetarëve pse nuk shfrytëzon konvaleshencën si karantinë për qytetarët e kthyer nga jashtë? Pse bën marrëveshje të pista në kohën më të vështirë për qytetarët për të mbushur xhepat e sadriabazëve të tij?
Këto pazare të shëmtuara me shëndetin e qytetarëve duhet të marrin fund! Mbi të gjitha, qytetarët e riatdhesuar dhe askush tjetër nuk duhet të paguajnë për karantinën. Është përgjegjësi e qeverisë të kujdeset për shëndetin e shtetasve të vet” – thotë Gjunkshi. ©LAPSI.al
