Është nxjerrë i pajetë nga rrënojat e hotel ‘Mia Mare’ një tjetër person, duke e çuar numrin e viktimave në 41 të humbur.
Fjala është për një 53 vjeçar, i cili kur ka dalë nga rrënojat ka qenë i gjymtuar në pjesën e poshtme (këmbët).
Me nxjerrjen e tij nga rrënojat e hotelit në Durrës, tashmë bilanci shkon në 41 persona.
Njëri prej të afërmve të burrit kur ka parë skenën ka pësuar gjëndje të fikëti dhe është rrëzuar në tokë. Një autoambulancë e ka marrë të riun dhe po e dërgon në spitalin e Durrësit.
