Kryeministri Edi Rama është pritur me protesta gjatë vizitës së tij të mërkurën në Londër. Disa emigrantë shqiptarë kanë protestuar me pankarta në duar duke e cilësuar atë si kreun e mafias dhe bandave.
Siç duket edhe nga pamjet protestuesit kanë kërkuar largimin e tij dhe kanë brohoritur: “Rama ik!”. Kryetari i PD-së në Londër, Naim Hasani ka deklaruar se qeveria Rama ka detyruar 300 mijë shqiptarë të largohen nga vendi i tyre, për shkak të keqqeverisjes në 6 vitet e fundit. Në këtë vizitë Rama do të mbajë një fjalë në “Konferencën Globale të Nënshtetësisë”. ©LAPSI.al
