IKMT prishi këtë të martë 33 ndërtesa në Unazën e Re. Aksioni u shoqërua me përplasje të forta mes banorëve dhe policisë. Megjithëse një projekt korruptiv dhe me një faturë të kripur financiare qeveria është e vendosur t’i shkojë deri në fund. Kryeministri Edi Rama nuk foli për incidentet, por në të kaluarën kur shkonte të bënte fushatë u premtonte banorëve se do të legalizoheshin dhe ata do të kishin mundësi të investonin.
“Kjo çështje është njësoj si gjithë të tjerët. Ne e kemi marrë angazhimin do të bëjmë një proces serioz, ta mbyllim këtë histori se nuk është puna e legalizimit në kuptimin që mos të prishet shtëpia. Se shtëpitë nuk prishen gjithsesi.
Puna është që ato janë kapitale të vdekura. Se janë investime të bërë me kursime me gjak” – thoshte Rama në fushatën e zgjedhjeve të vitit 2013 përpara banorëve të Astirit dhe me Saimir Tahirin në krah të djathtë. Banorët e Astirit plotësuan 1 vit e 7 ditë pa ndërprerje kundër prishjes së banesave, por me forcën e policisë dhe gazit lotsjellës u rafshuan të gjitha ndërtesat. ©LAPSI.al
[video width="640" height="352" mp4="https://cdnimpuls.com/lapsi.al/wp-content/uploads/2019/11/70436566_126896881619367_6883288112434626801_n.mp4"][/video]
[video width="640" height="360" mp4="https://cdnimpuls.com/lapsi.al/wp-content/uploads/2019/11/rama-astiri.mp4"][/video]
