Presidenti i Republikës, Ilir Meta, protagonist i padiskutueshëm i zhvillimeve politike të ditës së sotme, ka komentuar paraqitjen e tij në seancën dëgjimore të Komisionit Hetimor të ngritur për të verifikuar kushtetuetshmërinë e vendimin të tij për çdekretimin e 30 qershorit si datë të paracaktuar për mbajtjen e zgjedhjeve lokale.
Në një postim të publikuar në llogarinë e tij zyrtare në "Facebook", Meta shkruan se është i lumtur që u kthye në Parlament pas një periudhë thuajse 2-vjeçare, duke shtuar se do të shërbejë në detyrën e kreut të shtetit deri në përfundim të mandatit më datë 24 korrik 2022.
“Shumë i lumtur që m’u dha sot mundësia të kthehem në Parlament pas një mungese gati dy vjeçare, për të rikonfirmuar edhe njëherë se deri në 24 korrik 2022, Institucioni i Presidentit do të jetë një kështjellë e pamposhtur në mbrojtje të Kushtetutës, demokracisë, pluralizmit, interesit kombëtar dhe atij publik, me qëllimin e vetëm anëtarësimin e shpejtë dhe pa vonesa të Shqipërisë në Bashkimin Europian.”- shkruan Meta në "Facebook".
https://www.facebook.com/ilirmetazyrtar/videos/422413161959963/?q=ilir%20meta&epa=SEARCH_BOX
