Një aksident me pasojë vdekjen e një 44-vjeçareje ka ndodhur pak minuta më parë në rrugën nacionale Milot-Laç.
Nga informacionet paraprake mësohet se një automjet me drejtues shtetasin me iniciale A.G., 23 vjeç, ka përplasur shtetasen Z.D. duke i shkaktuar vdekjen e menjëhershme.
Grupi hetimor ka mbërritur në vendngjarje për të kryer zbardhjen e rrethanave të aksidentit.
Njoftimi i plotë i policisë:
Kurbin / Informacion paraprak
Rreth orës 18:40, në aksin e vjetër rrugor Milot – Laç , në vendin e quajtur ” Ish – Uzina e Superfosfatit”, ka ndodhur një aksident automobilistik ku shtetasi A.G. vjeç 23, banues në Milot, duke drejtuar mjetin e tij ka aksidentuar shtetasen këmbësore Z.D. vjeçe 44, banuese në Laç, e cila për pasojë ka ndërruar jetë.
Grupi hetimor në vendngjarje vazhdon veprimet për zbardhjen e shkaqeve të aksidentit.
