Kryetarja e LSI, Monika Kryemadhi, i ka bërë thirrje të gjithë qytetarëve për t'iu bashkuar protestës së 8 korrikut.
Kryemadhi shprehet se protesta e 10 kombëtare e opozitës do të një protestë e madhe në mbrojtje të vlerave dhe demokracisë, për të rrënuar sistemin e kalbur politik.
"Sot, të shtunën në zyrë duke komunikuar me të gjitha strukturat e LSI-së në të gjithë Shqipërinë. E jashtëzakonshme fryma e qëndresës ndaj sistemit autokrat dhe qeverisë së krimit të organizuar dhe korrupsionit.
Entuziazëm në çdo familje shqiptare për ndryshimin e këtij sistemi të kalbur. Ftoni familjarët, miqtë, shokët, të bëhemi të gjithë bashkë më 8 korrik. Gjatë pasdites vazhdojmë me takime në Tiranë", shkruan Kryemadhi.
