Presidenti i Republikës, Ilir Meta, pritet që të komunikojë një vendim të rëndësishëm pas orës 13:00, kur përfundon edhe afati kohor i lënë ndaj kryeministrit Edi Rama për zhvillimin e një takimi, me qëllim gjetjen e një zgjidhjeje për kapërcimin e krizën politike të vendit.
Pas tejkalimit të këtij ultimatumi, mësohet se kreu i shtetit do të zgjedhë midis 3 alternativave të parashtruara në tryezë: dekretit për shpërndarjen e Parlamentit, dekretit për shpalljen e zgjedhjeve të parakohshme parlamentare dhe dekretit për një datë të re zgjedhjesh lokale.
Një ditë më parë, Meta kërkoi mbajtjen e një takimi për të diskutuar situatën politike me kreun e qeverisë, i cili refuzoi ftesën përmes një postimi në llogarinë e tij personale në “Tëitter”. “Për shkak të fushatës elektorale që po zhvillohet sipas dekretit presidencial,ku 30 qershori është përcaktuar datë zgjedhjesh,kabineti im ka komunikuar telefonikisht pamundësinë për këtë takim. Po meqë Ilir Meta vazhdon të luajë letrash, ja dhe me shkrim:Kemi zgjedhje,jam i zënë!”- shkruante Rama.
