E pabesueshme, por sipas shifrave, sezoni aktual rrezikon të jetë më i keqi për Cristiano Ronaldo në 10 vitet e fundit. Loja e shifrave që prezantohet nga e përditshmja spanjolle As të bën të arrish konkluzionin se divorci i verës së kaluar nuk ka përmirësuar as CR7 e as Real Madrid.
Ronaldo ka luajtur 42 ndeshje për një total prej 3556 minutash mes kampionatit, Champions League, Kupës së Italisë e Superkupës italiane, me një total prej 28 golash. Një rezultat inferior ndaj të nëntë sezoneve të diskutuara me fanellën e Real. Në sezonin e parë me Blancos, pavarësisht një dëmtimi serioz, shënoi 33 herë, duke luajtur 7 ndeshje më pak.
Nga viti i kaluar në këtë edicion ka patur ndryshime domethënëse. Në këtë sezon, 1 gol cdo 127 minuta kundër 1 cdo 83,59 të sezonit të fundit me Real. Një gol mesatarisht për ndeshje vitin e kaluar kundër 0,67 të këtij viti. Në sezonin 2014-15, më i miri i portugezit, mesatarja e golave shkoi deri në 1,13 gola për ndeshje.
Sezoni nuk është mbyllur akoma, por arritja nuk duket e lehtë. CR7 ka ende ndeshjen kundër Atalanta e atë kundër Sampdoria për të realizuar të paktën 5 gola (për të barazuar sezonin e tij më të keq në 10 vitet e fundit) ose 6 (për të shpëtuar sezonin e tij të parë me Juventus). Mision që nuk është nga ata që portugezi nuk është mësuar ti kalojë: në 2014-15 shënoi 7 gola mes javës së 4 e të 5 në Deportivo La Coruna e Elche, 6 gola mes javës së 29 e 30 kundër Granada e Rayo Vallecano, 6 gola mes javës së parafundit dhe të fundit kundër Espanyol e Granada. Ndoshta Juventus nuk ka më objektiva për të arritur, por CR7 ka gjithnjë objektiva personalë për të ndjekur, e në këto dy javët e fundit do të bëjë të pamundurën për ta mbyllur mirë sezonin.
