Në shtëpinë e Inter zërat për mbërritjen e Antonio Conte shtohen cdo ditë dhe imponojnë ndryshime taktike në merkaton e zikaltërve. Mbi të gjitha mbi skuadrën që ka në mendje tekniku. Inter, sipas mënyrës së prefereuar të teknikut, do të reshtohet me tre mbrojtës. Me Skriniar, De Vrij e Godin, mbrojtja është e kryer dhe do të jetë një bunker i vështirë për tu thyer për të gjithë. Diskutimi është ndryshe për krahët, ku Conte i ka ndërmend disa lëvizje.
Për lojtarët e rolit, ish-tekniku i Chelsea kërkon të ketë më shumë opsione e duhet punuar shumë në këtë repart. Me Perisic në rrugën e ikjes, për momentin i vetmi që bën punë është Asamoah, lojtar që i njeh mirë metodat dhe kërkesat e teknikut. Për pjesën tjetër pastaj duhet investuar.
Në krye të listës së objektivëve është Danilo, që Antonio e donte që kur ishte në Londër. Braziliani ka pranuar ofertën e zikaltërve e për të mbyllur operacionin duhet aprovimi i City e një ofertë prej 15 milionë. Emri i dytë në listë është Darmian, lojtar që luan në të dy korsitë. Kërkesa e United është 12 milionë, por mund të mbyllet edhe me 10, nëse kalohet konkurenca e Juventus. Në të majtë spikat zgjedhja e Gosens, pas një sezoni si protagonist me Atalanta, por nuk mungojnë profilet interesantë si Sidibé, Zappacosta, Emerson e Victor Moses.
Sulmi është edhe pika delikate. Pas atyre që ndodhën në muajt e kaluar mes klubit dhe Icardit, argjentinasi duket i destinuar për tu larguar. E në këtë pikë, Conte, sipas Corriere dello Sport, duket në të njëjtën linjë me shoqërinë. Në mendjen e teknikut është një sulmues tipik për të udhëhequr sulmin. Romelu Lukaku është i preferuari i Antonio, por në listë janë edhe Dzeko, një emër që i mban të gjithë dakord në Appiano. Për të arritur tek Lukaku, që ka një pagesë të rëndësishme, celësi mund të jetë Perisic. Inter i Conte po fillon të marrë formë, por përpara tekniku duhet të vendosë të zezën mbi të bardhë me zikaltrit.
