Ndërsa protesta e opozitës vazhdon prej dy orësh para parlamentit, mësohet se dy policë kanë mbetur të lënduar.
Raportohet se dy efektivët janë lënduar nga shashkat e hedhura në drejtim të tyre prej protestuesve.
Me nisjen e seancës së Kuvendit ka nisur edhe protesta e gjashtë opozitës. Protesta po zhvillohet jashtë godinës së Parlamentit. Dëgjohen thirrje kundër qeverisë ku kryefjala është "Rama ik!".
Protestuesit kanë tentuar të çajnë katër herë kordonin e policisë dhe ia dolën në tentativën e katërt, por vetëm për pak. Policia arriti ta neutralizonte shpejt situatën.
Janë protestuesit e Unazës së Re ata që u konfrontuan fillimisht me policinë. Policia po bën gati ndërhyrjen me autobote.
