Ish-deputeti i PD, Klevis Balliu u shpreh në protestë se ka ardhur koha që të gjithë të hyjnë në Parlament dhe t’i nxjerrin zvarrë ata që e kanë vjedhur popullin.
“Ka ardhur koha të hyjmë aty brenda dhe ti kapim dhe t’i nxjerrim zvarrë të gjitha ata që i kanë vjedhur paratë këtij populli. Dialog me banda nuk bëjmë, siç SHBA nuk bën dialog me terroristë, as ne nuk bëjmë me bandat”, është shprehur Klevis Balliu duke iu përgjigjur kështu Taulant Ballës.
“Të dialogojmë me deputetët e rinj të opozitës. I ftoj në një tryezë të rëndësishme për sa i përket kodit zgjedhor. Duhet ta miratojmë kodin zgjedhor. Do të doja të ftoja së shpejti në tryezë të rëndësishme sa i përket kodit zgjedhor”,- tha Balla më herët në sallën e Kuvendit.
