Tre deputetë të rinj nga opozita i janë shtuar sot Kuvendit.
Ndërsa jashtë dëgjohen vuvuzelat, shkashkat e thirrjet kundër qeverisë, Ralf Gjoni, Nimet Musai dhe Enada Kapllani janë betuar në Kuvend si deputetët më të rinj. Me betimin e tre deputetëve të rinj, në Parlament ka 95 deputetë, 16 vetëm nga opozita.
Pak minuta para se të hynte në sallë, teksa po dilte nga pallati i tij, Gjoni përfaqësues i LSI-së, u sulmua me një shiringë me bojë jashtë banesës së tij. Gjoni u shpreh se sulmi ishte porositur nga lart, por se kjo gjë nuk do ta ndalte atë.
