Bashkëshortja e tregtarit në Durrës Agim Arapi, i cili mbeti i vrarë në prill të vitit 2017 thotë se nuk ka lidhje familja e saj me vrasjen e 26-vjecarit Jurgen Kurti mbrëmjen e djeshme në Tiranë.
Për vrasjen e bashkëshortit të saj në 2017 u akuzua nga familja i riu që mbeti i vrarë dje, Jurgen Kurti, por nuk u dënua, ndërsa Vjollca Arapi shprehet se familja e saj ka kërkuar drejtësi dhe 3 fëmijët e saj i ka në Itali.
Ajo ka sqaruar se ka kërkuar burgim për Kurtin, që ndaj tij të veprojë drejtësia dhe jo që të vritej.
Si u ekzekutua Jurgen Kurti, menaxheri i VIP-ave të Tiranës
Gjithashtu ajo shpreh keqardhjen për nënën e Jurgen Kurtit.
“E dëgjova ne media për vrasjen. Me erdhi keq se ishte djale i ri. Keqardhje per nenen e tij qe i iku djali dhe i them nenens se tij se une s’kam lidhje me atë ngjarje. Unë kam kërkuar burgun, drejtësinë, jo vdekjen e tij. Prokuroria e Tiranës erdhi dje ne banesën time beri kontroll. Me morën ne pyetje, por unë nuk di gjë për vrasjen dhe 3 fëmijët e mi jetojnë ne Itali. Drejtësia nuk u vu ne vend per bashkeshortin tim sepse u ble me para” - tha ndër të tjera bashkëshortja e Agim Arapit për News 24.
