Një foto flet sa një mijë fjalë, por në rastin e një videoje një mijë foto nuk do të mjaftonin për të përcjellë një mesazh në “lëvizje” dhe të gjallë.
Një video e publikuar në rrjetin social ka shkaktuar mjaft polemikë këtë të martë. Video e postuar nga Lolita kap momentet kur kryebashkiaku i Tiranës Erion Veliaj ndodhet në një tryezë dhe “gju më gju” me popullin. Përkrah tij ndodhet Edi Rama, i cili si zakonisht po mban fjalën. Në një moment kryebashkiaku i Tiranës tështin dhe ashtu siç e kërkon edukata bazike qytetare, vendos dorën përpara gojës.
Por më tutje, ajo që bën Veliaj me dorën është me të vërtetë një gjest aspak i hijshëm… dhe kjo i bëhet pikërisht një qytetari që ndodhet në krah me kryebashkiakun. Pamjet e mëposhtme nuk kanë nevojë për koment./Express
