Të paktën 1 person ka vdekur dhe gjashtë të janë plagosur në Utrecht të Holandës pasi një person qëlloi me armë zjarri ndaj një tramvaje plot me njerëz.
Mësohet se ngjarja ka ndodhur rreth orës 10:45.
Forca të shumta policie, njësite anti-terror, helikopterë dhe ambulanca kanë mbërritur në vendin e ngjarjes dhe kanë rrethuar zonën duke vendosur perimetër sigurie.
Mësohet se atentatori është larguar me shpejtësi nga vendi i ngjarjes. Identiteti i tij nuk është bërë i ditur. Autoriteti i transportit të Utrehtit tha se shërbimet e tramvajit në qytet janë anuluar të gjitha.
Nuk dihen ende shkaqet dhe rrethanat e ngjarjes. Dyshohet se bëhet fjalë për një sulm terrorist.
Ngjarja vjen pak ditë pas masakrës në Zelandën e Re, ku një person vrau me armë në xhami 49 persona. 
