Elisa Spiropali, ministre e Shtetit për Marrëdhëniet me Parlamentin, nga foltorja e Kuvendit tha se ish-deputetët e opozitës nuk duhet t'i quajnë tradhtarë ata që po zënë vendet e tyre në Kuvend.
Gjithashtu ajo sulmoi edhe dy drejtuesit e partive kryesore opozitare, ndërsa shtoi se interesi i Bashës dhe Kryemadhit nuk përkon me interesat e shumicës. Sipas saj, “tradhtarë” janë atë që kanë lënë detyrën.
Ajo foli edhe për paktin me universitetin, i cili sipas Spiropalit ka hyrë në një proces të pakthyeshëm duke rritur edhe procesin e transparencës së universiteteve në aspektin financiar.
“Ata i quajnë njerëzit që vijnë e marrin detyrën tradhtarë, por në fakt tradhtarët janë ata që braktisën detyrën. Interesat e Lulzim Bashës dhe Kryemadhit nuk përkojnë me pjesën më të madhe të shumicës.
Të rinjtë duhet të kenë mundësitë të shkollohen. Universitetet duhet të prodhojnë për shoqërinë dhe të thithin fonde dhe qeveria është e interesuar për të krijuar partneritet me fakultetet. Studentët donin transparencë për fondet e universitetit dhe kjo është realizuar tashmë”, tha ajo ndër të tjera.
