Policia greke identifikon 5-vjet me pas shtetasin shqiptar që sulmoi ministrin e sotëm të Mbrojtjes së Greqisë, Panos Kamenos.
Në vitin 2013, gjatë një marshimi në kujtim të viktimës së Agimit të Artë, Pavlos Fisas, shtetasi shqiptar qëlloi politikanin grek dhe u largua me shpejtësi. Shqiptari është në arrest nga policia greke.
Ngjarja ndodhi me 18 shtator 2013 në Keracini, ndërsa sot shqiptari është 23 vjeç. Një grup personash sulmuan eskortën e ministrit Kamenos, në një marshim antifashist në kujtim të këngëtarit të vrarë grek Pavlos Fyssas. 23-vjeçari shqiptar ishte pjesë e grupit të personave që sulmuan ministrin Kamenos.
Shqiptari e goditi me grushta Kamenos dhe i dëmtoi dhe makinën me armë të ftohta. Kamenos pësoi lëndime të vogla.
