Kreu i Grupit Parlamentar të Partisë Socialiste Taulant Balla ka reagur pas akuzave të opozitës se është i lidhur me biznesmenin e arrestuar në Greqi, Edmond Bego për shkak të një dënimi në Itali. Ne një reagim në rrjetet sociale, Balla nuk flet për akzuat, por i konsideron ato si qesharake.
“Partia Babalokratike filloi sot teatrin komik “Babale 3”. Madje dy zëvëndësat e Lulzim Bashës bënë dhe prezantimin e skenarit. Meqenëse më drejtuan mua pyetje dy zëvendësat e Lulzimit, unë kam dëshirë që betejën ta bëj përsëri me Kryebabale Lulzim Basha. Ngrini akuza, lërini pyetjet! Duhen për në Gjykatë përsëri. Le të na gjykojë në fund publiku. Siç do na gjykojë në Shtator për “Babale 1”, e më pas edhe për “Babale 2” etj” – shkruan Balla në Facebook.
