Nga shërbimet e Komisariatit të Policisë Malësi e Madhe, pas njoftimit të marrë u bë i mundur arrestimi në flagrancë i Fran Shelinaj, 33 vjeç, banues në fshatin Kastrat, Malësi e Madhe.
Arrestimi i tij u bë pasi bashkëshortja e tij shtetasja V. Sh., 25 vjeçe, ka telefonuar policinë dhe ka kërkuar ndihmë pasi po dhunohej nga bashkëshorti. Falë reagimit të shpejtë, forcat e policisë kanë mbërritur në banesën e tyre duke parandaluar dhunimin e mëtejshëm të shtetases V. Sh., nga ana e bashkëshortit, si dhe gjatë kontrollit të ushtruar është gjetur dhe sekuestruar në cilësinë e provës materiale, një armë zjarri Automatik.
Materialet iu referuan Prokurorisë së Rrethit Gjyqësor Shkodër për veprat penale “Armëmbajtje pa leje” e “Dhuna në Familje” parashikuar nga nenet 278 e 130/a të Kodit Penal.
