Halsey dhe G-Eazy u ndanë vetëm dy javë më parë, dhe kaq shumë gjëra kanë ndodhur në kaq pak kohë. Jo vetëm që këngëtarja ka shpërthyer në lot gjatë koncertit kur po këndonte këngën “Sorry”, por postonte vazhdimisht në twitter postime ku linte të nënkuptohej se G Eazy e kishte tradhëtuar.
Por momenti më epik ishte kur G Eazy u pa nën shoqërinë e Demi Lovaton ku ishin fotografuar duke u kapur për dore me njëri-tjetrin.
Saga e kësaj historie Halsey – G Eazy vazhdon dhe më e fundit është veprimi i çuditshëm që këngëtarja ka bërë gjatë koncertit të saj. Pasi qarkulluan lajme dhe fotot e Demi Lovatos dhe G Eazy, Halsye ka ndërprerë koncertin dhe ka dhënë disa këshilla për ish të dashurin. “Kohët e fundit kam mësuar se të jesh vetëm është shumë mirë. Mësimi i dytë që kam marrë është që mos fli me ish të dashurin”, është shprehur Halsey.
