Bora Zemani ka qenë e ftuar në “Top Arena” për të folur për sfidat e këtij kampionati botëror, finalen e madhe dhe blerjen më të re të Juventusit Cristiano Ronaldo.
Manushi e ka pyetur Borën nëse ajo do të ndërrojë stacion televiziv sezonin e ardhshëm dhe përgjigja e moderatores ka zbuluar një të fshehtë. “Profesion nuk do të ndërrojë njëherë, me politikë nuk do merrem.”- është shprehur moderatorja. Me anë të kësaj pyetjeje Bora në një farë mënyre nuk e ka mohuar faktin se sezonin e ardhshëm mund të mos jetë në Digitalb. Burime për Blitz.al kanë treguar se marrëdhëniet mes saj dhe drejtuesve nuk janë më të mirat e mundshme kohët e fundit. Thuhet se Bora është konfiktuar me punëdhënësit e saj pasi ka pranuar të prezantojë eventin sportiv të organizuar nga Bashkia në Sheshin Skënderbej pa miratimin e tyre. E pikërisht kjo përplasje mes Borës dhe drejtuesve të Digitalb sipas burimit thuhet se ka përfunduar me perjashtimin e Borës nga ky televizion.
