Pas zgjedhjeve që i dhanë një mandat 5-vjeçar, presidenti i Rexhep Tayyip Erdogan është betuar sot në Asamblenë e Madhe të Turqisë, duke i hapur rrugë kështu sistemit të ri të presidencës ekzekutive, që u sanksionua pas ndryshimeve kushtetuese. Ajo që ra në sy në ceremoninë pompoze, ishte mungesa e liderëve nga vendet e BE-së. Shqipëria përfaqësohej me kryeministrin Edi Rama, Kosova e Serbia me presidentët Thaçi e Vuçiç. Erdogan është në pushtet që prej vitit 2001. Ai i ka fituar të gjitha zgjedhjet, duke konsoliduar gjithnjë e më shumë pushtet rreth vetes, por pavarësisht rritjes ekonomike të vendit, Turqia ka rrëshqitur drejt një sistemi autoritar.
© LAPSI.al
