BBC raporton se festimi me shqiponjë i dy futbollistëve të Zvicrës, Granit Xhaka dhe Xherdan Shaqiri, ka zemëruar serbët.
Sipas BBC, ky veprim mund të nxisë tensionet mes shqiptarëve dhe serbëve në rajon. Më tej në raportim thuhet se gazeta pro-qeveritare serbe, Informet ka përdorur fyerje për shqiptarët.
“Klani shqiptar brenda ekipit të orëndreqësve po dërgonte shigjeta të helmuara javë përpara ndeshjes, kështu që ndeshja nuk mund të kalonte pa provokime”.
Edhe media të tjera serbe shkruajnë me tone inflamatore për ndeshjen.
“Shaqiri na bëri të vajtojmë dhe pas ndeshjes shpjegoi në serbisht se përse na provokoi”,shkruan Blic.
