Kryeministri Edi Rama i është përgjigjur ambasadorit amerikan, Donald Lu, lidhur me qëndrimin që ai mbajti për akuzat ndaj vëllait të ministrit të Brendshëm, Fatmir Xhafaj.
“Patjetër që unë flas për veten time dhe miku ynë Lu flet për veten e vet. Dhe krejt normalisht, është puna ime të them atë që mendoj kur flas lidhur me të, siç është puna e tij të thotë atë që mendon kur pyetet lidhur mua”, shkruan Rama ne Facebook.
ana
Më herët ambasadori amerikan u shpreh se ““Kryeministri duhet të flasë në emrin e tij dhe ne do të flasim në emrin tonë. Ne jemi duke i shqyrtuar pretendimet që janë ngritur në lidhje me vëllain e Ministrit Xhafaj”. Reagimi i diplomatit amerikan vinte si përgjigje ndaj asaj që ishte shprehur Rama në Kuvend, se nëse ministri Fatmir Xhafaj do të ishte përgjegjës për vëllain e tij të dënuar për trafik droge, me siguri që do të kishte folur edhe ambasadori amerikan.
