Kur po mbushen 3 javë nga zjarri i fuqishëm që përfshiu fabrikën e riciklimit në Mëzez të Tiranës, specialistët janë drejt përfundimit të ekspertizës.
Nga gjurmët e konstatuara, dyshimet janë për zjarrvënie të qëllimshme, por fakti se janë denoncuar luhatje të tensionit, po hetohet dhe mbi këtë situatë.
Gjurmët e gjetura në një grumbull të ngjeshur plastike në qendër të fabrikës, pranë makinerive, kanë shtuar së shumti dyshimet për ngjarjen e 22 prillit.
Një tjetër pistë është dhe luhatja e tensionit, pikërisht në njërën prej këtyre makinerive, çka mund të ketë shkaktuar dhe shkëndijat.
