Familja e Vladimir Kurtit, një prej vrasësve të Agim Bucit në Kamëz është ngujuar në shtëpi nga frika e gjakmarrjes. Shtëpia e grabitësit dhe e viktimës janë disa qindra metra larg. Vëllezërit e Kurtit janë larguar nga shtëpia, ku për momentin qëndron vetëm babai i të arrestuarit dhe gratë familjes. Pavarësisht se kanë tentuar të kërkojnë falje për vrasjen, nga familja e Agim Bucit është ende e vështirë të merret një vendim i tillë.
Për mediat, vëllai i viktimës tha se as nuk do ta dëgjojë një kërkesë për falje, ndërsa i bën thirrje shtetit të zbatojë ligjin. Këto ditë, policia ka mbikqyrur zonën pranë shtëpive të të dy grabitësve.
